БӘЙДІБЕК: ШАЯН АУЫЛДЫҚ ОКРУГІНДЕ ЕСЕП БЕРУ КЕЗДЕСУІ ӨТТІ

Аудан әкімі Ерлан Нұрмахановтың есепті кездесуі аудан Шаян ауылында өтті.

Аудан әкімі Шаян ауылындағы салынып жатқан «Жайлы мектеп», Күлтөбе, Тәуелсіздік көшелерінің бойларындағы балалар ойын алаңшаларының құрылыстарын аралады. Елді мекенде жаңдан орнатылған электр бағаналары мен Шаян ауылдық округі төлқұжатының жаңалау жұмыстарын көрді. Жауапты мекеме басшыларына, ауыл әкіміне жөндеу, құрылыс жұмыстарының сапалы жүргізілуін қадағалауды тапсырды. Ал, мердігер мекемелерге өндірістік кестеге сәйкес жұмыстарды сапалы аяқтауды ескертті.

Құрылыс нысандарын аралап болғаннан кейін, Ерлан Заипұлы «Жастар сарайында» ауыл тұрғындарына есеп берді.

Есепті кездесуде аудан әкімі Шаян ауылында биылғы жылы 20 коммуналдық (жалдық) тұрғын үйлерге және 55 гектарға салынып жатқан жеке тұрғын табиғи газ жүйесі жүргізілгендігін, жергілікті бюджет есебінен 7 ауылдық округте (Ағыбет, Ақбастау, Алғабас, Бөген, Жамбыл, Көктерек, Шаян) 229 жаңа бағана ауыстыру жоспарланып, оның ішінде Шаянға-71 бағана, 1 КТП орнатылатынын айтып өтті.

Сонымен қатар, демеушілер есебінен Ә.Жансейітов және К.Жанаева көшелерінде 72 тұрғын үй жаңа электр бағаналарымен қамтамасыз ету, Күлтөбе және Тәуелсіздік көшелеріне балалар ойын алаңшасын салуға қаржы қаралып, құрылыс жұмыстары жүргізіліп жатқандығын баяндады.

Сондай-ақ, С. Қадырбаев көшесі бойынан балалар ойын алаңшасына және Б.Қарашаұлы көшесі бойындағы №49/1, №49/2, №49/3 көп қабатты тұрғын үйлерді ағымдағы жөндеу жұмыстарына қаржы қаралып, мемлекеттік сатып алу конкурсы өткізіліп және Шаян елді мекенінің төлқұжатын жаңалау жұмыстары атқарылып отырғандығына тоқталып, алдағы атқарылатын жоспарлармен бөлісті.

Жиында көтерілген мәселелер мен қойылған сұрақтарға сала бойынша аудан әкімінің орынбасары мен бөлім, мекеме басшылары мен ауыл әкімі тарапынан жауаптар берілді.

Бәйдібек ауданы әкімінің баспасөз қызметі