БӘЙДІБЕК: АУДАН ӘКІМІНІҢ ЕСЕП БЕРУ КЕЗДЕСУІ ЖАМБЫЛ АУЫЛДЫҚ ОКРУГІНДЕ ӨТТІ

Аудан әкімі Ерлан Нұрмаханов Жамбыл ауылдық округінің Шыбыт елді мекенінде салынып жатқан медициналық тірек, Жамбыл ауылында балалар ойын алаңшасының құрылысы мен «Орталық» саябақтың» ағымдағы жөндеу жұмыстарын аралады. Мердігер мекемелерге құрылыс жұмыстарын жобалық сметалық құжатқа сәйкес сапалы жүргізу және нысандарды бекітілген мерзімді пайдалануға беру қажеттігін ескертті.

Құрылыс нысандарын аралап болғаннан кейін, Ерлан Заипұлы Жамбыл мәдениет үйінде ауылдық округке қарасты елді мекендердің тұрғындарына есеп берді.

Жиында тұрғындар электр жарығы, ұялы байланыс интернеті, Жамбыл ауылындағы облыстық дене шынықтыру және спорт басқармасының тегеріміндегі екі қабатты ғимаратты жатақханасымен бірге ауданның теңгеріміне алу, ауыз су бағасын төмендету, елді мекенге жақын орналасқан егістік жердің жартысын ортақ жайылымға ауыстыру, «Жамбыл су қоймасы» жанынан канал шығарып шлюз қою және басқа да әлеуметтік мәселелер бойынша сұрақтар қойылды және ұсыныс-пікірлер айтылды. Ұсыныс-пікірлер назарға алынып, қойылған бірқатар сұрақтарға аудан әкімі және салаға жауапты мекеме бөлім басшылары тарапынан жауаптар берілді.

Жиында аудан әкімі Ерлан Нұрмаханов көтерілген мәселелерді шешу бойынша арнайы іс-шара жоспары жасалып, жүйелі жұмыстар жүргізілетінін атап өтті.

Кездесу жиынынан кейін аудан әкімі жеке қабылдауға жазылған азаматтарды қабылдады. Кездесу барысында және жеке қабылдауда айтылған мәселелер хаттамаға енгізіліп, оны орындау бойынша жұмыстар жүргізілетіндігін жеткізді.

Бәйдібек ауданы әкімінің баспасөз қызметі