БӘЙДІБЕК: АҚБАСТАУ АУЫЛДЫҚ ОКРУГІ ТҰРҒЫНДАРЫМЕН ЕСЕП БЕРУ КЕЗДЕСУІ ӨТТІ

Аудан әкімі Ерлан Нұрмахановтың кезекті есеп беру кездесуі Ақбастау ауылдық округінде жалғасты.

Аудан әкімі Ерлан Нұрмаханов Ақбастау ауылдық округіне қарасты елді мекендерде салынып жатқан Тұрақты медициналық тірегін, Ақбастау ауылындағы спорт кешенінің құрылысы мен ауыз су жүйесінедегі қайта құру жұмыстарын аралап шықты. Аралау барысында мердігер мекемелерге құрылыс нысандарын және ауыз су жүйелерін қайта құру жұмыстарын жобалық сметалық құжатқа сәйкес сапалы жүргізу және құрылыс нормалары мен ережелерін қатаң сақтау, нысандарды белгіленген мерзімде халық игілігіне пайдалануға беру қажеттігін ескертті. Ал, жауапты мекеме басшыларына, ауыл әкіміне жөндеу, құрылыс жұмыстарының сапалы жүргізілуін қатаң қадағалауды тапсырды.

Аудан әкімі Ерлан Нұрмаханов елді мекендердегі құрылыс нысандарын аралағаннан кейін Ақбастау ауылдық мәдениет үйінде ауылдық округтің тұрғындарына есеп берді. Кездесу жиынында ауылдық округте жоспарға сәйкес атқарылған, жүргізіліп жатқан жұмыстардың барысын баяндады.

Жиында елді мекендердің тұрғындары өздерінің толғандырып жүрген сауалдарын жолдады. Атап айтқанда, көшелерді жарықтандыру, ауыз су мен ағын су мәселесін реттеу, су мұрап бекіту, Тұрақты елді мекенінде ағын су каналына шлюз қою, табиғи газ құрылысын жүргізу, ескірген электр бағаналары мен желілерін ауыстыру, округ орталығындағы стадионды ауыл округі әкімінің теңгеріміне алу және басқа да әлеуметтік сұрақтар қамтылды.

Тұрғындардың қойған сұрақтарына жеке-жеке жауап берген Ерлан Заипұлы, мәселелерді оңтайлы шешу бойынша тиісті бөлімдерге нақты тапсырмалар жүктеді.

Кездесу жиынынан кейін аудан әкімі жеке қабылдауға жазылған азаматтарды қабылдады. Кездесу барысында және жеке қабылдауда айтылған мәселелер хаттамаға енгізіліп, оны орындау бойынша жұмыстар жүргізілетіндігін жеткізді.

Бәйдібек ауданы әкімінің баспасөз қызметі