ТӘУЕЛСІЗДІК ЖЕТІСТІКТЕРІ: ҚАЗАҚТЫ ӘЛЕМГЕ ТАНЫТҚАН ДИМАШ

Кез келген халықты әлемге танытып, жақсы атын шығаруда өнер мен спорттың алар орны ерекше. Түрлі халықаралық байқауларда топ жарып, үздік өнер көрсетіп өз еліңнің атын шығарып, танымал етуге болады.

Бүгінгі күнде біздің өнер саласындағы үлкен мақтанышымыз, абыройымыз — Димаш Құдайберген екені белгілі. Бүкіл әлем халқын ғана емес, атағы жер жарған музыканттарын да таңдай қақтырып, өнеріне бас игізіп келеді. Тіпті, әлемдегі фанаттары бір ғана Димаш үшін қазақ тілін үйреніп, қазақ әндерін жаттап, біздің елімізді зерттеуге кірісіп кеткен. Ол біз үшін, Қазақстан халқы үшін үлкен мақтаныш, зор абырой.

Димаш Құдайберген (Дінмұхаммед Қанатұлы Құдайберген) Витебск қаласында өткен XXIV Халықаралық эстрадалық ән орындаушылар «Славян базары-2015» байқауында Гран-при жеңіп алған, «Халық сүйіктісі» Ұлттық сыйлығының лауреаты^[ «Қазақстан халқының бірлігін нығайтуға лайықты үлес қосқаны үшін» Қазақстан Республикасының Президенті Құрмет грамотасымен марапатталған, «ABU TV song» халықаралық фестивалінің қатысушысы.

27 наурызда 2017 Қазақстанның сүйікті әншісі Димаш Құдайберген «Top Chinese Music Awards» номинацияның жеңімпазы атанды. Әншінің PR-директоры Алпамыс Шаримовтың айтуы бойынша, біздің әнші «Азиядағы ең атақты әнші» номинациясын жеңіп алды. Марапаттау церемониясы кезінде Димаш SOS d’un terrien en détresse әнін орындады.

15 сәуір 2017 Димаш Құдайбергенов Қытайдағы «Singer» жобасында екінші орын алды. Димаш өзінің ақтық сынағында Қытайдың әншісі Шан Венжемен дуэт құрып ән айтады. Ақтық сынақта ол Майкл Джексонның: Dangerous, Billie Jean, The Way You Make Me Feel және Earth song атты әндерін айтып шығады. Ал бірінші орынды болса Қытай қызы Sandy Lam жеңіп алады.