БАЛАЛАРДЫҢ ҚАУІПСІЗДІГІ БАСТЫ НАЗАРДА

Шымкент қаласындағы Ақпараттық-коммуникациялық орталығында  Шымкент қалалық Білім басқармасының басшысы Жанат Арысбекқызы және Шымкент қаласының Төтенше жағдайлар департаментінің бастығы, азаматтық қорғау полковнигі Мадияр Есенгелдіұлы алдағы шомылу маусымы мен балалардың жазғы демалыс уақытындағы қауіпсіздігі жайында баспасөз жиынын өткізді. Брифинг барысында Жанат Арысбекқызы жазғы лагерьлер жайын айтып өтті.

– Жазғы демалыс кезінде балаларды ата-аналарының өтініштеріне сәйкес лагерьге жіберу жұмыстары жүргізіліп жатыр. Биыл мемлекет тарапынан жартылай (895) және тұл жетім (157), көпбалалы (2 653), сондай-ақ, АӘК алатын отбасының балалары (4 093) қала сыртындағы лагерьде демалады. Ал 22 655 бала ата-аналар есебінен лагерьге жіберіледі. Одан бөлек, 19 маусымға дейін білім ұйымдарында 60 пайызға жуық балаға қосымша сабақ беру жұмыстары басталды, – деді Ж.Тәжиева.