БИЫЛ АЗАТТЫҚ ЕЛДІ МЕКЕНІНІҢ 6 КӨШЕСІНЕ ТҮНГІ ЖАРЫҚШАМДАР ОРНАТЫЛДЫ
Рысқұлов ауылдық округіне қарасты Азаттық елді мекенінің тұрғындары өткен жылы көтерген мәселенің бірі ішкі күре жолдардың бойына түнгі жарықшамдар орнату мәселесі болатын.
Аталған мәселе биыл шешімін тауып, Азаттық ауылы Тұран, Атамекен, Жас өркен, Ырыс, Ізет және Жаңақұрылыс көшелерінде жарықтандыру жұмыстары жүргізілді.
Бұдан бөлек, ағымдағы жылы округке қарасты Тастыбұлақ ауылынан жаңа медициналық тіректің құрылысы бастау алып, жыл соңына дейін пайдалануға беріледі деп күтілуде.
Сондай-ақ, Жаңаталап ауылындағы ауыз су мәселесін шешу мақсатында, қосымша ұнғыма қазу жұмыстарына мемлекеттен қаржы бөлініп, тиісті жұмыстар атқарылуда. Нысан келесі жылға өтпелі.
Осы және басқада жағымды жаңалықтармен бүгін аудан әкімі Нұржан Ізтілеуов Рысқұлов ауылдық округі тұрғындары алдындағы есептік кездесуде бөлісті.
Кездесуге қатысқан тұрғындар Шұқырбұлақ ауылындағы жер кезегіндегі азаматтардың өтінішін қанағаттандыру, спорт нысанын соғу, ауыз су мәселесі, Полиция қызметі мен медицина саласына қатысты мәселелерді алға тартып, жауаптылардан қанағаттанарлықтай жауап алды.
Жиын соңында, ауыл ақсақалдары атқарылып жатқан жұмыстарға ризашылықтарын білдіріп, баталарын берді.
Түлкібас ауданы әкімдігінің баспасөз қызметі
Сайтымыздың мобильді қосымшасын жүктеп алыңыз.
Мекен-жай: ҚР, Шымкент қаласы, Бейбітшілік көшесі, 3
Тел.: +7 701 888 91 81
Email: aldaspan.info@mail.ru
