БИЫЛ ҚАЙНАРБҰЛАҚ ТҰРҒЫНДАРЫ САПАЛЫ ЭЛЕКТР ЖАРЫҒЫНА ҚОСЫЛАДЫ

Қаратау ауданына қарасты Қайнарбұлақ тұрғын алабында 8 мыңнан аса тұрғын қоныстанған. Екі мектеп, үш балабақша, амбулатория мен мәдениет үйі жергілікті халық игілігіне қызмет етеді. Аумаққа инфрақұрылым жүйелерін кіргізу үшін ауқымды жұмыстар жүргізілуде.

Атап айтқанда, электр жарығы – бүгінде 100 пайыз жекеменшік жарықпен қамтылған. Мемлекеттік бағаналар орнату жұмыстары өткен жылы басталған. Осы жылдың соңына дейін толық мемлекеттік сапалы электр жарығына қосалатын болады.

Ауыз су – тұрғындар ауыз суды жекеменшік жүйеде тұтынады. Мемлекеттік ауыз су кіргізу үшін өткен жылы ЖСҚ әзірленіп, сараптамадан өтті. Биыл құрылыс жұмыстары басталып, 2023 жылы аяқталады.

Ал, табиғи газ – тұрғын алап табиғи газбен қамтылмаған. Өткен жылы ЖСҚ әзірленді. Мемлекеттік сараптамадан наурыз айында қорытындысы алынады. Биыл құрылыс жұмыстары басталып, 2023 жылы аяқталады.

Мұндағы 83 көшенің 18-і асфальтталған, 35-і тас жол, 20-ы топырақ жол. 2021 жылы 20 шақырым топырақ жолға шағал тас төселді, 2022 жылы 15 шақырымға шағал тас төселеді. Асфальттау жұмыстары 2023 жылы жаңақұрылыс аумағында инфрақұрылым жүйелері аяқталған соң қолға алынбақ.

Шымкент қаласы әкімдігінің баспасөз қызметі