ЕЛБАСЫНА ЕЛДЕН ТІЛЕК ЖОЛДАЙЫН…

Уа, Нұреке, құтты болсын 80 жас,

Арымасын, болсын аман мал мен бас.

Үшқоңырдан ұшқан бала бүркіт ең,

Алла берді ақыл, қуат сарқылмас.

Уа, халайық, қолыңды жай, ағайын,

Ата дәстүр, баба жолын жалғайын.

Ел деп, Жер деп түн ұйқысын төрт бөлген,

Елбасына елден тілек жолдайын.

Мерейіңіз абыроймен асқақтап,

Аса берсін, таса берсін әрдайым!

Әумин!

Қазағымның көші жүрсін мәңгілік,

Жарасымын тапсын сән мен мәнділік.

Көк туымыз өрлей түссін қиянға,

Өссін ұрпақ әлем жұртын таң қылып!

Елбасымыз Нұрсұлтанның есімі

Ұран болсын жылдар асып жаңғырып!

Әумин!

Біз біргеміз әрқашанда Сізбенен,

Сізбен таптық бақыт жолын іздеген.

Жүз жасаңыз, шымыр, сергек ойлы боп,

Сізге сөз бе мына тұрған жүз деген?!

Алда талай асуларға бастаңыз,

Батыл қадам, ашық-жарқын жүзбенен.

Халқымызға нәсіп етсін жүруді,

Біргелікте Сіз бастаған ізбенен!

Тойым Жүнісов,

Мақтаарал ауданының және бұрынғы Оңтүстік Қазақстан

облысының Құрметті азаматы.