ЕНДІ БІРҚАТАР ҚЫЗМЕТТІ ЦИФРЛЫ ТӨЛҚҰЖАТПЕН ТІРКЕУГЕ БОЛАДЫ

Күзден бастап азаматтық хал актілерін тіркеу қызметін алу үшін азаматтар жеке басын куәландыратын құжаттың электронды нұсқасын ұсына алады.

Дәлірек айтсақ, қазақстандықтар 5 қыркүйектен бастап келесі қайталама куәліктер мен анықтамаларды электронды жеке куәлік көмегімен рәсімдей алады:

• некені тіркеу;
• неке жасын төмендету;
• некені бұзу;
• 16 жасқа дейінгі балаларға туу туралы қайталама куәліктерді беру;
• тууды тіркеу;
• аты-жөнін өзгертуді тіркеу;
• азаматтық хал актілері жазбаларын қалпына келтіру және жою;
• азаматтық хал актілерін тіркеу туралы қайталама куәліктер немесе анықтамалар.

Некені бұзғысы келетін ерлі-зайыптылар тіркеуші органға жеке басын куәландыратын немесе белгіленген күні цифрлық құжаттар сервисінен алынған электрондық құжатпен келуі тиіс.

Бұйрық 2021 жылдың 5 қыркүйегінен бастап күшіне енеді.