ҚАЗА ТАПҚАН ПОЛИЦЕЙЛЕР МЕН ӘСКЕРИ ҚЫЗМЕТКЕРЛЕРДІҢ БАЛАЛАРЫ ЖОО-ДА ТЕГІН ОҚИДЫ

Үкімет отырысында Білім және ғылым министрі Асхат Аймағамбетов қаза тапқан әскери қызметкерлердің балалары үшін білім гранты бөлінетінін айтты.

Қазақстанда бірнеше күнге ұласқан жаппай тәртіпсіздік салдарынан қаза тапқан  полицей, әскери қызметкер, арнаулы мемлекеттік органдар қызметкерлерінің балалары университетте білім алу үшін арнайы білім гранты беріледі.

«Елімізде қоғамдық тәртіпті сақтау үшін әскери, азаматтық міндетін өтеу кезінде қаза тапқан әскери қызметшілер, құқық қорғау және арнаулы мемлекеттік органдар қызметкерлердің балаларына университетте оқу үшін білім гранты беріледі», – деді министр.