ШЫМКЕНТ ҚАЛАСЫНЫҢ ЭНЕРГЕТИКА ЖӘНЕ КОММУНАЛДЫҚ ШАРУАШЫЛЫҚ БАСҚАРМАСЫНЫҢ БАСШЫСЫ ТАҒАЙЫНДАЛДЫ
![](https://aldaspaninfo.kz/wp-content/uploads/2021/02/Боранбай.jpg)
Шымкент қаласы әкімінің өкімімен Боранбай Булатбеков Энергетика және коммуналдық шаруашылық басқармасының басшысы болып тағайындалды.
Боранбай Нығметұлы 1964 жылы Ақмола облысы Ерейментау ауданында дүниеге келген. Мамандығы – инженер-механик, экономист.
Еңбек жолын 1986 жылы Ақмола облысындағы №24 орта кәсіптік техникалық училищесінің мұғалімі болудан бастаған. 1987-2004 жылға дейін Ақмола облысында жол құрылысы және бірқатар салада жұмыс жасаған.
2004-2006 жылдары Астана қаласындағы «Бану 2002» ЖШС директоры, 2006-2013 жылдары Астана қаласында Алматы ауданы әкімдігінің аппаратында бөлім басшысы, 2013-2016 жылдары Астана қаласында Алматы ауданы әкімінің орынбасары лауазымында қызмет еткен.
2016-2019 жылдары Астана қаласындағы «Тазалық» ЖШС директоры қызметін атқарған.
2020 жылдың қазан айынан бастап осы күнге дейін Энергетика және коммуналдық шаршуашылық басқарма басшысының орынбасары лауазымында қызмет етіп келген.