ШЫМКЕНТТЕ «БАСТАУ БИЗНЕС» ЖОБАСЫ БОЙЫНША 2820 АЗАМАТ СЕРТИФИКАТҚА ИЕ БОЛДЫ

Шымкент қаласында «Еңбек» мемлекеттік бағдарламасы сәтті жүзеге асырылуда. Бағдарлама шеңберінде 2020 жылы 29 872 азаматты жұмыспен қамту шараларына қатыстыру жоспарланған. 10 айдың қорытындысы бойынша 34 280 адам жұмыспен қамту іс-шараларына қатысты (114,8%).
Бағдарламаның бірінші бағыты аясында (Техникалық және қысқа мерзімді кәсіптік оқу) 3196 азаматты оқуға жолдау жоспарланып, нақты 4386 (137,2%) адам қатысты. Кәсіптік білімі жоқ, оқу орындарына түспеген 1196 азамат, техникалық және кәсіптік кадларды даярлауға 1196 азамат, қысқа мерзімді кәсіптік оқытуға 2000 азамат оқуға жолданды.
Жаппай кәсіпкерлікті дамыту бойынша жалпы 6819 азаматты жұмыспен қамту іс-шараларына қатыстыру жоспарланса, нақты 6808 азамат қамтылды (99,8%). Атап айтқанда, 1850 азамат «Бастау Бизнес» жобасы бойынша кәсіпкерлік негіздерге оқытылып, нақты бірінші ағыммен 2820 қатысушы сертификатқа ие болды. 55 азаматқа шағын несие беру жоспарланып, ауыл шаруашылығы қаржылай қолдау қорымен 57 азаматқа шағын несие берілген (103,6%). 4914 азаматқа грант беру көзделген, нақты 3931 азамат (80,0%) мемлекеттік грант иеленді.
Сондай-ақ, қалалық жұмыспен қамту орталығы арқылы «Жұмыспен қамту жол картасы» шеңберінде 4 440 азаматты жұмыспен қамту жоспарланса, нақты 4663 азамат (102,0%) жұмысқа тартылды.
Шымкентте шағын кәсіпкерлік көкжиегі кеңейіп келеді. Қалада азаматтарды жұмыспен қамту, тұрғындардың әлеуметтік жағдайын көтеру – маңызды басым бағыттардың бірі.