ТӘТТІ КҮЛШЕ ШЫҒАРЫЛАТЫН ЦЕХ ІСКЕ ҚОСЫЛДЫ

Шымкенттегі  ірі кәсіпорындардың бірі «Рахат-Шымкент» фабрикасы тәтті күлше шығаратын жаңа желісін іске қосты. Ашылу салтанатына қала әкімінің орынбасары Айбек Сәттібаев, «Рахат» АҚ Басқарма төрағасы Константин Федорец қатысты.

Жоба құны 3,2 млрд. теңгені құрайды. Оның ішінде 2,6 млрд.теңге «Даму Өндіріс» жеңілдетілген несиелеу бағдарламасы бойынша алынған.

Аталған кәсіпорын өткен жылы сәуір айында Шымкент қаласының әкімдігі мен «Рахат-Шымкент» ЖШС арасында жасалған меморандумға сәйкес мармелад өндіретін жаңа желісін іске қосқан болатын.

Бүгінде фабрика 12 мың тонна тәтті күлше және мармелад өндіреді.

Кәсіпорын заманауи құрал-жабдықтармен жабдықталған. Жоба аясында 130 адам тұрақты жұмыс орнымен қамтылды.

Мемлекет тарапынан қолдау тауып, 180 млн теңге субсидия берілді.

Мармелад, тәтті күлше және басқа да кондитерлік өнімдерін ТМД, Европа және Азия елдерінің нарығына шығарылады.