ТӘУЕЛСІЗДІК ЖЕТІСТІКТЕРІ: ҚАЗАҚСТАННЫҢ ИСЛАМ КОНФЕРЕНЦИЯСЫ ҰЙЫМЫНА ТӨРАҒАЛЫҚ ЕТУІ

Еліміздің 2011 жылы Ислам Конференциясы Ұйымының сыртқы істер министрлігі Кеңесіне төрағалық етуі мемлекетіміздің ЕКЫҰ-на төрағалық еткен соң, көпқырлы дипломатияны жалғастыруға, мұсылман әлемі елдерімен ынтымақтастықты кеңейтуге және республиканың беделі мен рөлін күшейтуге деген ұмтылысы болып табылады.

«Қазақстан үшін Ислам конференциясы ұйымына төрағалық етудің тарихи маңызы өте зор. Бүгінде бейбітшілік, ынтымақтастық және даму үшін Ислам конференциясы ұйымының қажеттілігінің арта түскендігі бәрімізге белгілі. Бұл ұйым 4 құрлықтағы 57 мелекетті біріктіретін ислам әлемінің өзіндік Біріккен Ұлттар Ұйымы міндетін атқарып отырған бірегей құрылымы болып саналады», — деді Мемлекет басшысы. Сонымен қатар қазіргі уақытта аумалы-төкпелі әлемдегі өте күрделі қатерлермен бетпе-бет келіп отырғандығын баса айтқан Н.Назарбаев: «Ислам әлеміне бейітшілік, жаңғыру, ғылыми-техникалық даму және білім ауадай қажет», — деді.

Ислам Кон­фе­рен­циясы Ұйымы әлемде БҰҰ-дан кейінгі екінші ірі халықаралық саяси ұйым болып та­былады. Қазіргі кезде жер шарындағы тұр­ғындардың төрттен бірі мұсылман. Мұ­сыл­ман елдеріндегі тұрғындардың жалпы саны 1,532 миллиард адамды құрайды екен. Бұл – жер шарындағы тұрғындардың 22,9 пайызы. Ал Қазақстан адам саны жағынан ИКҰ-ға қатысушы елдер арасында – 23, әлем елдері арасында 62-ші орында тұр. Ислам Конференциясы Ұйымына мүше мемлекеттер аумақтарында табиғи ре­сурс­тар­дың аса мол қоры жатыр. Нақты мәлі­мет­тер бойынша, оның көлемі әлемдегі запас қор­дың 65 пайызын құрайды. Ұйымға қа­ты­су­шы елдер, сондай-ақ әлемде өндірілетін шикізаттың 45 пайызын өндіреді.

Еліміздің осындай аса ірі ха­лықаралық ұйым төрағалығына сай­лануы Ұйымға қатысушы мемлекеттердің елі­мізге көрсетілген жоғары сенімі бо­лып та­бы­ла­ды. Бұл жоғары сенімнің түп негізінде Елбасы Нұрсұлтан Назарбаев­тың са­ли­қалы саясатының нә­ти­­жесінде елімізде салтанат құрған этнос­аралық тату­лық, саяси тұрақтылық, дінаралық және конфес­сия­ара­лық келісім жатыр. Сонымен қатар, тә­уел­сіздік таңы арай­лап атқаннан бергі кезеңде табысты жүзеге асырылған реформалар жатыр. Осының барлығы жи­нақ­тала келіп, бір арнаға тоғыса келіп, Қа­зақстанды бүкіл әлемге танытты, та­ны­ту­мен бірге күллі әлем­ге мойындатты. Қазақстан Республикасы ИКҰ-ға мүше мемлекеттер ішінде ЕҚЫҰ-ға төрағалық еткен тұңғыш мемлекет ретінде тарихта қал­ды. Мұны мұсылман әлемі зор мақ­та­ныш­пен қолдады, қуаттады. Еліміз сол үде­ден шыға білді. Ал Қазақстан ИКҰ-ға төр­ағалығы кезінде бірқатар ауқымды іс-шараларды өткізуді қолға алды.