«ТӘУЕЛСІЗДІКТІҢ 30 ЖЫЛДЫҒЫНА — 30 КІТАП» БАЙҚАУЫНЫҢ ЖЕҢІМПАЗДАРЫ АНЫҚТАЛДЫ

Жыл басында оқырмандарға 2021 жылдың «Бір ел – бір кітап» республикалық акциясы аясында ҚР Тәуелсіздігінің мерейтойына арналған «Тәуелсіздіктің 30 жылдығына – 30 кітап» акциясы ұйымдастырылған болатын. Мақсаты — Тәуелсіздік жетістіктерін насихаттау, жас ұрпақтың кітап оқуға қызығушылығын ояту, халық әдебиетін насихаттау, тарихи, мәдени және рухани мұраны сақтау, жастарға адамгершілік-патриоттық тәрбие беру, ана тілін құрметтеуге баулу. Осы акция аясында Сарыағаш аудандық орталықтандырылған кітапхана жүйесінің Кітапханаларды дамыту бөлімінің ұйымдастыруымен «Үздік буктрейлер» атты кітапханашылар арасында фейсбук әлеуметтік желіде онлайн байқау өтті. Аталмыш сайыста кітапхана мамандарының кәсібилігі жан-жақты сыналып, бірнеше талаптар қойылды.

Байқаудың қорытындысы бойынша Бас жүлде Қызылжар ауылдық кітапханашы Жадыра Мұстафаеваға, бірінші орын Тегісшіл ауылдық кітапханашы Айгүл Ибрагимоваға, екінші орын Жемісті ауылдық кітапхана меңгерушісі Гауһар Тойчибековаға, үшінші орын Дарбаза ауылдық кітапханашы Ақмарал Ергешоваға берілді. Ақниет ауылдық кітапхана меңгерушісі Гүлжамила Жарилхасиноваға «Ізденімпаз кітапханашы» ынталандыру номинациясы табысталды.