«ТАЗА ҚАЗАҚСТАН» АКЦИЯСЫ АЯСЫНДА АРЫСТЫҚТАР ИГІ ІСКЕ БІРІКТІ
«ТАЗА ҚАЗАҚСТАН» АКЦИЯСЫ АЯСЫНДА АРЫСТЫҚТАР ИГІ ІСКЕ БІРІКТІ
Еліміздің барлық аумағында «Таза Қазақстан» экологиялық акциясы өтіп жатыр. Акция басталғалы Арыс қаласында ауқымды жұмыстар атқарылып келеді. Бүгін Ақдала ауылының тұрғындары акцияны қолдап, ауылда жаппай тазалық шарасын өткізді.
Ауыл қариялары мен ақжаулықты әжелері бастаған, ауыл жастары мен әкімдік мамандары қостаған сенбілік өтті.
Таң атпастан қолдарына құрал-саймандарын ұстап, тазалық шарасына кіріскен ақдалалықтар күл қоқысты жинап, жол жиегіндегі арамшөптерді шапты. Барлығы арнайы көлікке тиеліп, арнайы полигонға шығарылды.
– Ауылымыз бәрімізге ортақ болған соң, оны таза ұстау да барлығымыздың ортақ міндетіміз, – деді ауыл ақсақалы Жұмаділлә Қашқынбеков. Игі іске біріккен ақдалалықтар аталған шараны тұрақты түрде өткізуді жоспарлап отыр.
Айта кетейік «Таза Қазақстан» экологиялық шарасы аясында қалада, қалаға қарасты ауылдарда тазалық жұмыстары жалғаса береді.
Түркістан облысы әкімінің баспасөз қызметі
Сайтымыздың мобильді қосымшасын жүктеп алыңыз.
Мекен-жай: ҚР, Шымкент қаласы, Бейбітшілік көшесі, 3
Тел.: +7 701 888 91 81
Email: aldaspan.info@mail.ru
