ТҮРКІСТАН: «ҮЛГІЛІ АУЫЛ» АТАНҒАН АУЫЛДА ЖАҢА ӘЛЕУМЕТТІК НЫСАН САЛЫНАДЫ

Түркістан облысының әкімі Дархан Сатыбалдының тапсырмасына сәйкес «Үлгілі ауыл» облыстық байқауы бастау алған болатын. Жақында «Үлгілі ауыл» жеңімпазы анықталып, бас жүлде алған үздік ауылға жергілікті бюджет есебінен 1 әлеуметтік нысан салуға қаражат бөлінеді. Осы орайда облыс әкімінің орынбасары Ертай Алтаевтың төрағалығымен облыстық конкурстық комиссияның алғашқы отырысы өтті.

Мәжіліске салалық басқармалар басшылығы, облыстық мәслихат депутаттары, қоғамдық бірлестіктер мен БАҚ өкілдері қатысты.

Облыс әкімінің орынбасары байқаудың маңыздылығын айтып, жеңіп шыққан жүлдегерге бір әлеуметтік нысан салынатынын жеткізді.

Байқаудың мақсаты – аймақтарды көгалдандыру, абаттандыру және қоқыстан тазарту жұмыстарын іске асыру. Байқау екі кезеңнен тұрады. 1-кезең – аудандық, яғни облыстағы 15 аудан, қалада байқаудың аудандық кезеңін өткізу үшін арнайы комиссиялар құрылып, 1 қыркүйекке дейін құжаттар қабылданды. Қазіргі таңда аудандық кезеңге додаға түскен 75 ауылдың ішінен облыстық кезеңге 16 аудан, қаланың жеңімпаз ауылы жолдама алып, тиісті материалдарды облыстық комиссияға ұсынды.

Алғашқы отырыстан соң комиссия мүшелері үміткер ауылдарға арнайы барып,

тыныс-тіршілігімен танысады.

Айта кетейік, байқау ережесіне сәйкес, облыстық кезең қорытындысымен 4 жүлделі орын белгіленіп отыр.

Түркістан облысы әкімінің баспасөз қызметі