ЖЕЛІДЕ ТАРАҒАН ЖАЛҒАН АҚПАРАТ

Шымкент қаласының әкімдігі «Дендросаябақтағы веложол бұзылады» деген әлеуметтік желіде тараған ақпарат шындыққа жанаспайтынын мәлімдейді.

Асанбай Асқаров атындағы дендросаябақта 2020 жылы қала тұрғындарының салауатты өмір салтын қалыптастыруы үшін салынған веложол ары қарай да саябаққа келушілер үшін қызмет ететіндігін хабарлаймыз.

Демалыс аймағында 6,5 шақырымды құрайтын веложол мен 1164 метр болатын жүгіру жолақтары бар.

Қала тұрғындарынан әлеуметтік желіде пайда болған жалған ақпаратқа емес, тек, мемлекеттік органдардың ресми мәлімдемелеріне ғана құлақ асуға шақырамыз.