ӘЛЕМДІК САЯСАТТА ОРНЫН АЛҒАН ҚАЗАҚСТАН

Қазақстан бүгінгі күнге дейін әлемнің 180 мемлекетімен дип­ло­матиялық қарым-қатынас орнат­қан. Шығыста және батыста, солтүстік пен оңтүстікте ірі және ша­ғын мемлекеттермен достық, сенімді қарым-қатынас орнатып, өзара тиімді экономикалық байланысты нығайтып жатырмыз. Ресей және Қытаймен тығыз байланыс­тамыз, Еуропалық одақ – біздің ірі сауда серіктесіміз, ал АҚШ – ЕО-дан кейінгі екінші ірі шетелдік инвестор. Өзара достық тиімді қарым-қатынастарды нығайту барысында бауырлас мемлекеттермен және Орталық Азиядағы көршілерімізбен белсенді жұмыс жүргізудеміз. Араб әлемінің, Азия, Африка және Латын Амери­ка­сының озық елдерімен де ынты­мақ­тастығымызды дамыту үстін­деміз. Мемлекет басшысының сырт­қы саясаттағы сарабдал іс-қи­мылының арқасында Қазақ­стан әлемдік аренада қазір бе­рік ұстанымға, жоғары деңгей­дегі абыройға ие. Ядролық қарусыз­дану саласында көшбасшы ел ретін­де танылып, мәдениет, дін және өр­кениеттер үнқатысуының бел­сенді модераторы болып табы­лады. Елдің халықаралық деңгейдегі беделі осыны айғақтай түседі. Халықаралық рейтингтердегі Қазақ­станның көрсеткіштері және ин­вестициялық климатты жетілді­рудегі мәселеде қол жеткен табыс­тар осыны айғақтайды.
Бүкіл­әлемдік экономикалық фору­мының бәсекелестіктің Жаһандық индексінде Қазақстан Италия, Түркия, Бразилия, Үндістан, Вен­грия сияқты елдерді артқа тастап, 50-қатардан 42-қатарға көтерілді. Осы көрсеткіш бойынша ЕАЭО бойынша серіктестерінен де алға шықты: Ресей 45-ші, Армения 82-ші, Қырғызстан 102-ші орында.
Қорытып айтқанда, Қазақ елі тәуелсiздiк тұғырына қонғалы дүние жүзiнiң көптеген елдерiмен терезесi тең деңгейде дипломатиялық және экономикалық қарым-қатынас орнатты. Дүниежүзiлiк саясатта сыйы басым, беделі биік.

А. АСҚАР