ЛАТЫН ӘЛІПБИІНЕ КӨШУ — ӘЛЕММЕН БІРІГУГЕ ЖАСАЛҒАН ҚАДАМ

Қазақ әліпбиі өз тарихында араб, латын, кириллица сияқты түрлі дәуірлерді бастан кешірді. Ұзақ уақыттық қолданыста болғаны да, аз жылдық азық еткеніміз де бар арасында. Десек те, кириллицадан латынға көшу — уақыт сұранысы тудырған талап. Осылай біз жаңа дәуірге аяқ басамыз.

2017 жылы ҚР Президенті «Қазақ тілі әліпбиін кириллицадан латын графикасына көшіру туралы»Жарлыққа қол қойды. ҚР Премьер-Министрінің өкімімен қазақ тілі әліпбиін латын графикасына көшіру жөніндегі ҰЛТТЫҚ комиссия құрылды.

Қазақ тілі әліпбиінің латын графикасына кезең-кезеңмен көшуінің іс-шаралар жоспары 2025 жылға дейін әзірленді, орфографиялық, әдістемелік, терминологиялық, техникалық және ақпараттық сүйемелдеу бойынша 4 жұмыс тобы құрылды. Сондай-ақ, Қазақстан Республикасы Үкіметінің «Шайсұлтан Шаяхметов атындағы «Тіл-Қазына «Ұлттық ғылыми-практикалық орталығы» коммерциялық емес акционерлік қоғамын құру мәселелері туралы»қаулысы шықты.

Латын графикасына негізделген қазақ әліпбиінің орфографиялық ережесінің тұжырымдамасы әзірленді. Тұжырымдама негізінде Ахмет Байтұрсынов атындағы тіл білімі институтының ғалымдары «қазақ тілі емлесінің жаңа ережелері» жобасын әзірледі. Алғаш рет латын графикасында басылып шыққан «til-Qazyna» ақпараттық-танымдық газеті ұсынылды. Газеттің электронды нұсқасы оқырманға төмендегі сайттар арқылы ұсынылады: «Tilalemi.kz», «Tilqazyna.kz».