ТӘУЕЛСІЗДІК ЖЕТІСТІКТЕРІ: ДЕНСАУЛЫҚ САҚТАУ САЛАСЫ ДАМЫДЫ

Денсаулық сақтауды реформалау мен дамытудың 2005-2010 жылдарға арналған мемлекеттік бағдарламасы әзірленді. Өңірлерде алғашқы медициналық-санитарлық көмек орталықтары құрыла бастады. Барлығы осындай 50-ден астам орталық, сондай-ақ 7 аудандық аурухана пайда болды, 44 Денсаулық сақтау объектісі салынды.

2009 жылдың желтоқсанында «Халық денсаулығы және денсаулық сақтау жүйесі туралы» Кодекс қабылданды. Кодекстің қабылдануы ұлттық медицина мәртебесін арттырды. Сала экономиканың басқа салаларымен және мемлекеттік институттармен толыққанды өзара іс-қимыл жасау үшін құрылған.

2010 жылы пациенттерге ауруханаға жатқызу кезінде медициналық ұйымды таңдау құқығын беретін жүйені енгізу басталды. Бағдарланған өзгерістер мен қаржыландырулар емдеу нәтижелеріне қарай бөлінді. 2002 жылы ЖІӨ-нің 1,9% — ынан 2010 жылы 3,2% — ға дейін өсті. Елде жоғары медициналық технологиялар қол жетімді бола бастады.

Елордада алғашқы медициналық кластер 2008 жылы құрылды. Нұрсұлтан Назарбаев оларға халықаралық деңгейдегі кардиохирург Юрий Пя сияқты бірегей дәрігерлерді жинауды тапсырды.

«Еліміздің азаматтары үшін сапалы кардиохирургиялық көмектің қолжетімділігі-ең басты жетістіктердің бірі деп санаймын. Әрбір қазақстандық мемлекеттік квота аясында біздің кардиохирургиялық орталықта қажетті ем алуға мүмкіндігі бар. Біз еліміздің кардиохирургиялық қызметінің жетекшілік ететін орталығы болып табылатынымызды мақтан ете аламыз. Тұңғыш Президент медицинадағы заманауи технологияларды енгізуге әрдайым зор көңіл бөлді және елордада Ұлттық Ғылыми Кардиохирургия орталығын ашу бастамасы дәл осы Нұрсұлтан Әбішұлына тиесілі», — деп атап өтті «Ұлттық ғылыми кардиохирургия орталығы» АҚ Басқарма төрағасы Юрий Пя.

Ол кезде Орталық Ұлттық медициналық холдингтің құрамына кірді. Елбасы көреген басшы ретінде елдегі денсаулық сақтауды дамытудың және тәжірибені бүкіл ел бойынша тарату үшін Астанада медициналық кластер құрудың маңыздылығын түсінді.

Н.ӘДІЛ